رد: قصه واقعيه مذكرات عمرو, وياسمين

23.12.09 20:56

[ندعوك للتسجيل في المنتدى أو التعريف بنفسك لمعاينة هذه الصورة]

مستنيه الباقى ع احر من الجمر

28.12.09 19:59

مشكووووووووور دودو مرورك الجميل
بس ما اعتقدش ان فى ردود كفايا
لكتابه باقى الاجزاء
انا فى انتظار ردود جديده

29.12.09 17:50

[ندعوك للتسجيل في المنتدى أو التعريف بنفسك لمعاينة هذه الصورة]

هفضل متعلقه كتير يعنى؟؟؟؟؟؟

05.01.10 12:19 تقييم المساهمة: 100% (1)

ليه كدة يا شاعر القصة مكمتش ليه والله القصة جامدة جدا ياريت تكملها بجد انا نفسى اعرف الحكاية كلها ارجوك يا شاعر كمل القصة ومستنية الباقى تحياتى

06.01.10 1:18

انتى عارفه يادودو انى ما احبش تستنى كتير
حاضر هكمل
وبردو علشان خاطر شيرى
بمناسبه انها انضمت لينا
انا تحت امركم فى اى حاجه
انتظرونى
حتى اقوم بألآعداد

06.01.10 2:45

سلاماتوووووازيكم يا ناس يا عسل
بسرعة كدا نقول الجزء الرابع لانه جاااااااااااامد جدااااا ورومانسى خالص
عشان خاطر عيونكم

يلا نبدأ 3.....2.......1..... اكشن

اول ما عمرو سمع صوت منى بتنادى عليه قلبه وقع فى رجليه
دخل اول ما ياسمين شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )
وراحت سابت منى ودخلت هى على جواه ووراها مروة صاحبتها
عمرو بينه وبين نفسه
( ياريتنى كنت مت قبل اللحظة دى ربنا يستر )
وطبعا فيه حيوان سلبنطح واقف بره مش همه غير حاجة واحدة بس
عمال يبص على صاحبة ياسمين ويعيش موهبته
دخل عمرو

منى :- انت ليه يا عمرو عملت كدا ؟؟

عمرو :- عملت اى !!

منى :- انت اتصلت امبارح بببيت ياسمين

( بص عمرو لمنى وراح باصص فى الارض )

منى :- قالتله يعنى اتصلت

عمرو :- اه

منى :- طب ليه ؟؟

عمرو :- عشان بحبها

منى :- وانت مش شايف ان ده مش وقته خالص يا عمرو اهتم الاول بمزاكرتك

( طبعااااااااااا ماهى ما تعرفش اللى فيها )

عمرو :- طب ولو كانت هى السبب اللى بتخلينى اهتم بمزكرتى

منى :- يعنى اى ؟؟

عمرو :- يعنى انا عاوزك تخوشيلها دلوقتى وتقوليها ....
عمرو واقف بره وعاوز يكلمك ثوانى

( وبعد ما عمرو اقنع منى انها تبقى الوسيط دخلت منى وقالت لياسمين )

منى :- عمرو عاوز يكلمك ثوانى

( طبعا ياسمين استغربت تماما )

ياسمين :- لا طبعا مش ها اطلعله فيه يا منى ... انا جاية هنا علشان الدرس وبس

منى :- وطى صوتك بس

ياسمين :- منى خليه يلم الدور عشان ما يحصلش مشاكل
- لان لو بابا عرف مش هيحصل كويس

منى :- اهدى بس كدا على العموم براحتك انت حرة
منى :- مش ها ينفع يا عمرو
عمرو :- هى بتعمل كدا ليه ؟؟
- هو انا لعبة فى ايديها

( دخل حودة على كلام عمرو )

حودة :- فيه اى

عمرو :- مافيش حاجة يلا بين نمشى

منى :- طب والدرس يا عمرو استاذ محمد زمانه جى

عمرو :- ينحرق

( ومشى عمرو وعفاريت الدنيا بتتنطط فى وشه )
راح هو وحودة على كافيه كالمعتاد

وحودة يهدى فى الواد

وعمرو كل اللى شاغله حاجة واحدة بس
وما بيسالش نفسه غير سؤال واحد

..........هى ليه بتعمل كدا........

عمرو :- هى ليه مرة تخلينى طاير فى السما ومرة تانية ترمينى فى سابع ارض

حودة :- يا جدع اهدى
حودة :- وفكك منها وحيات امك يا عمرو

عمرو :- والنعمة ما انا سايبها غير لما اعرف اى السبب
عمرو :- هو اى انا جزمة ف رجلها تقلعها وقت ما تقلعها
( يا واد يا جامد )

حودة :- يبنى هو اى اللى حصل لكل ده

عمرو :- يا عم انت يعنى مش شايف
عمرو :- بليل كانت تمام اوى وبتكلمنى بكل هدوء وتقولى افكر

حودة :- ما يمكن فكرت

عمرو :- خلاص لو فكرت تقولى انا مش تفضحنى كدا

حودة :- هى طبعا غلطانة بس اهدى بس

عمرو :- ااااااوووووووووووف

وفضل عمرو وحودة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق عمرو على كدا
وبليل
قبل ما يوصلوا لبيتها
شافوها هى وصحبتها مروة مروحين

عمرو اول ما شافها كان ها يجن

عمرو :- اى الجمال ده

حودة :- يا خرابى

الخطيب:- طب ماهو من حقها يا عم تدوخك وراها

حودة :- شششششش شايفين صاحبتها والزعطلون اللى لبساه عامل ازاى عليها

الخطيب:- على قفاه ( بوووووووم ) يبنى احنا فين وانت فين

حودة :- يا جدع وسع ايدك ده اى ده كله ده عايزة وحش ( الفاظه زبالة )

الخطيب :- ههههههههههههه
الخطيب :- ياجدع اسكت

عمرو:- اهدى يالة

حودة :- ماشى يا باشا

( وصلت ياسمين صاحبتها وهى راجعة عشان تروح اخدت بالها من عمرو

اول ما شافته نزلت عينها فى الارض ومشت وهى موطية وشها لحد ما وصلت بيتها )
( عمرو ما استناش راح على السنترال واتصل )
السماعة اترفعت
نفس الصوت اللى بيحلم يسمعه على طول
صوت ملاكه اجمل صوت لاجمل انسانه شافها

ياسمين :- الو

عمرو :- انت ليه عملتى كدا ؟؟

( سكتت )

عمرو :- نفسى اعرف انت ليه بتعملى كدا فيا ؟؟؟
يعنى انا غلطتى انى صارحتك من اول مرة
وقولتك انى بحبك يا ياسمين يا اراق من النسمة واجمل من الياسمين
قولتيلى انك ها تفكرى مش انك ها تفضحينى بالشكل ده

( سكووووووووت منها )
( مش سامع غير تنهيدها ونبض قلبها )

عمرو :- حتى لو كنت رافضة كنت صارحينى مش ها ازعل
يمكن اكون ازعل انى خسرت اجمل عيون وارق صوت
لاكن كنت ها احترم رأيك
وهاتفضلى انت ياسمين هى هى اللى اخدتنى من كل الناس اللى حوليا بنظرة من عينها

( سكوووووووت ) ( بصراحة الواد ثبتها تثبيتة نااااااااااار )

عمرو :- ساكتة ليه

ياسمين :- مش عارفة اقولك اى

عمرو :- انت ليه عملتى كدا

ياسمين :- خايفة

عمرو :- من اى ؟؟

ياسمين :- منك

عمرو :- منى انا طب ليه !!

ياسمين :- خايفة يكون اول حب ليا اكبر جرح ليا

عمرو :- طول ما انت معايا ما تخافيش من اى حاجة
عمرو :- لانى عمرى ما ها اخلى العيون دى تدمع دمعة واحدة لان ما فيش اى حاجة فى الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

ياسمين :- ماشى

عمرو :- ماشى اى ؟؟

ياسمين :- ما انت عارف كل حاجة

( بضحكة خفيفة )

عمرو :- انا عاوز اسمعها منك

ياسمين :- على فكرة ماما نايمة وخايفة تصحى وبابا زمانه جى

عمرو :- ما انا مش ها اقفل غير لما اسمعها منك

ياسمين :- عمرو انت بتحبنى بجد

عمرو :- يا لهوى كل ده ولسة بتسالى دلوقتى
عمرو :- اعمل اى عشان تصدقى انى دايب فيك

ياسمين :- ولا حاجة

عمرو:- طب بقى اسمعها منك

ياسمين :- وانا كمان

عمرو :- انتى كمان اى ؟؟

ياسمين :- يلا بقى عشان ماما ما تصحاش
ياسمين :- تصبح على خير

عمرو :- وانت من اهله يا اجمل ملاك شفته فى الدنيا
وعمرو ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها
واول ما طلع قدام السنترال سمع
( يا غزال يا غزال اى الاوام ده ارحمنى بقى وحن علينا )

والخطيب ميت على نفسه من الضحك

الخطيب :- اهو كدا من ساعة ما انت ما دخلت

عمرو شده من قفاه

عمرو :- حرام عليك يا جدع ضيعت اجمل لحظة فى حياتى انت اى حيوان ما بتحسش

حودة :- يا جدع سيب كدا بس ده البت كانت ها تيجى
انتى يا مزة

الخطيب وعمرو

:-ههههههههههه

وبكده اكون خلصت الجزء الرابع
يارب يكون عجبكم
كما اتمنى لكم اسعد الاوقات
وانتظرونى فى الجزء الخامس

تحياتى

شــَ‘ــآ’عــٍرٍ إآلعــًَ‘ــذآ’ب

06.01.10 3:05

وحيات امى القصه لازم تكمل

ياشاعر احسن تلاقينى عن البيت بسيحلك

[ندعوك للتسجيل في المنتدى أو التعريف بنفسك لمعاينة هذه الصورة]

12.01.10 23:51

معلش ياعمووووووور
انا تعبت فى اعداد الموضوع
ومش شايف انو واخد حقه فى الردود
هو طويل شويه
بس لو حسيت انه مقبول كنت كملت على طول
اعتذر
لآنه مش على مزاج الاعضاء
وانا عند وعدى
طبعا احنا هنا علشان نقدم كل ما هو جديد ومميز
وانا بعتذر دلوقتى على الموضوع اللى ممكن ما يكونش عاجب حد فى المنتدى

13.01.10 17:03

انت يابنى بتتكلم اذاى

كل ال الاعضاء ال بتواجدو فى المنتدى عاجابهم الموضوع

ده رقم واحد

رقم اتنين بقا انت بتكتب الموضوع عشان الردود

؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد لا يبقا انت تسيبك من موضوع الردود

ده دى مش سياستنا ومش ف اولوياتنا احنا بنقدم الافضل

وللجميع حق الرد او عدمه

اوكيك يا شاعرنا

بنتظار باقى اجزاء القصه ولك منى كل شكر وعرفان بالجميل

وتقديرا واحترام

اخوك

a . m . r

13.01.10 19:42

ايه يا شاعر اللى بتقوله دة ع فكرة انت والله غلطان لو فعلا بتكتتب عشان الردود انا اصلا والله مستنياك تكملها

لانها ف منتها الجمال ووالله ابدعت وانت بتكتبها وحاسه بتعبك فيها فعلا

مستنيه باقى القصة ومش هقبل اى اعتذار

[ندعوك للتسجيل في المنتدى أو التعريف بنفسك لمعاينة هذه الصورة]

13.01.10 21:54

انا طبعا ياعموووووور عارف والله اننا مش بنكتب علشان ردود
او اى شيئ مثيل ده
بس انا حسيت ان الموضوع مفيش قابليه ليه
خصوصا ان ما بين كل جزء نفس الاعضاء اللى بيردو
وطبعا مشكوووووور ليهم
لآنهم بجد رافعين دايما معنوياتى
وطبعا انا عاجز عن الشكر لآختى الغاليه دودو
مش هقدر اوفى واحد فى الميه من حقها عليه
بجد المفروض يتعملها تمثال فى المنتدى
لآنها بجد فى غايه الجمال
وطبعا بتشارك الجميع فى احزانه وفرحه

دودو
لو عجز لسانى عن الشكر
اكيد قلمى مش هيعجز عن كل حاجه حلوة قدمتيها لينا

لكى منى جزيل الشكر

على فكرة انا هكمل القصه علشان خاطركم
ويارب تعجبكم كلكم
[ندعوك للتسجيل في المنتدى أو التعريف بنفسك لمعاينة هذه الصورة]
شــ العذاب ــااعر

13.01.10 22:31

هههههههههههههههههه والله بتكسفنى يا شاعر بكلامك وزوقك دة وربنا يخلينا لبعض عضاء منتدى واحد يارب واخوات كمان

13.01.10 22:31

هههههههههههههههههه والله بتكسفنى يا شاعر بكلامك وزوقك دة وربنا يخلينا لبعض عضاء منتدى واحد يارب واخوات كمان

13.01.10 22:41

على ايه بس يادودو
مش بقول كده مجامله
بس انتى بجد تستاهلى كل خير

ربنا يوفقك فى حياتك يارب

13.01.10 22:43

الجزء الخامس
علشان خاطركم

روح عمرو وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمرو على صوت الست
ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........
ونام عمرو وطول الليل بيحلم بحبيبته
وصحى عمرو من نومه على صوت تغريد العصافير وكأن الدنيا كلها فرحانه علشانه
حس عمرو ان ده احلى يوم نام فيه من مدة طويلة اوى
وفكر عمرو ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل
ومن هنا هنعيش مع شويه رومانسيه
لآجمل ناس واصحاب
فى عالم الفن

الووووو
قفل السكة

عمرو :- اى ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر

وخرج عمرو راح كليته
وفى اخر اليوم
اتصل بيها

عمرو :- الو

ياسمين :- الو

عمرو :- عاملة اى ؟؟

ياسمين :- الحمد لله ,,,,,,,,,, وانت عامل اى ؟

عمرو :- مافيش احسن من كدا حاسس انى اسعد واحد فى الدنيا

ياسمين :- ( ضحكة خفيفة ) .. للدرجادى

عمرو :- واكتر من الدرجادى كمان
انتى مش متصورة انا بحبك قد ايه ؟؟

ياسمين :- قد ايه :-

عمرو :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس

ياسمين :- يسلام انت بتجيب الكلام ده منين

طبعاً ده مش كلام شاعر العذاب

عمرو :- ده بس عشان بممووووووت فيك

ياسمين :- طب انا عاوزة اسالك سؤال !! ( من اولها اسئلة )

عمرو :- ايه هو ؟؟

ياسمين :- مش انت قولتلى انك فى كلية

عمرو :- اه

ياسمين :- يعنى بتشوف بنات كتير واكيد فيهم الاحلى منى و.......

عمرو :- بس عرفت انت عاوزة تقولى اى
اشمعنا انت يعنى ؟؟

ياسمين :- اااااااااه

عمرو :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك ....وثانيا الحب مش بأيدينا ولا باختيارنا

( سكوووووت )

عمرو :- طب ممكن انا اسالك سؤال

ياسمين :- اتفضل

عمرو :- انت حبيبتى قبل كدا

ياسمين :- لالالالالالالا ,,,,,,,,,, انا اساسا اول مرة اكلم حد

عمرو :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله

ياسمين :- ههههههههههه مش اوى كدا يعنى يا بكاش

عمرو:- والله العظيم بتكلم بجد
عمرو :- بحبك

ياسمين :- وانا كمان

عمرو :- يا لهوى انا مش قد كدا انا ممكن اموت منك

ياسمين :- لا بعد الشر عليك

عمرو :- هو انت عيد ميلادك امتى ؟؟

ياسمين :- اشمعنا

عمرو :- عادى بسال

ياسمين :- 1/4

عمرو :- لا بجد والله

ياسمين :- والله بجد فيها ايه

عمرو :- والله العظيم انت 1/4

ياسمين :- اه انت مستغرب كدا ليه ؟؟

عمرو :- ههههههههه اصل انا كمان مواليد 1/4

ياسمين :- هههههههههه بجد

عمرو:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!!
يعنى احنا مخلوقين لبعض من قبل ما نشوف بعض
عمرو :- على فكرة انا اتصلت الصبح وتقريبا مامتك هى اللى ردت عليا

ياسمين :- واى اللى حصل ؟؟

عمرو :- لا ولا حاجة انا قفلت السكة

ياسمين :- وكدا تقفل السكة فى وش ماما
هههههه

عمرو :- طب وانا كنت ها اقول اى

ياسمين :- على فكرة ماما طيبة جداااااااا وانا مش بخبى عليها اى حاجة خالص

عمرو :- يعنى انت قولتيلها

ياسمين :- لا لسة بس اكيد ها اقولها لانى ماينفعش انى اعمل اى حاجة من وراها

عمرو :- طب ولو رفضت

ياسمين :- ها احاول معاها ,وعلى فكرة كلنا كدا حتى اخويا

عمرو :- اخوكى باسم

ياسمين :- انت تعرفه

عمرو :- ااااه يعنى صحاب نص نص ماهو معايا فى الكلية

ياسمين :- يالهوى

ده كان الجزء الخامس
وانتظرونى ياحلوين فى الجزء السادس
ياترى ايه اللى هيحصل
هل هتتأثر العلاقه بعد ماعرفت ياسمين انو صاحب اخوها
ولا ايه اللى هيحصل
على فكرة فى اشخاص هيظهرو فى الجزء السادس
فكرو بقى لحد ما اقوم بأعداد الجزء السادس
لكم منى شكر وتقدير
[ندعوك للتسجيل في المنتدى أو التعريف بنفسك لمعاينة هذه الصورة]

شــَ‘ــآ’عــٍرٍ إآلعــًَ‘ــذآ’ب

14.01.10 4:53

هههه شاعر انت وقفت ع حته مشوقه موت
مسنيين بقيتها تسلم ايدك مبدع من يومك

14.01.10 14:15

جااااااااااااااااااامده جدا ياشاعر منتظرة باقى القصه

[ندعوك للتسجيل في المنتدى أو التعريف بنفسك لمعاينة هذه الصورة]

14.01.10 18:27

مجهود ممتاز ياشاعر

والقصه تستحق المتابعه

بنتظار باقى الاحداث

تقبل مرورى اختك

عاشقة عالم الفن
[ندعوك للتسجيل في المنتدى أو التعريف بنفسك لمعاينة هذه الصورة]

15.01.10 1:04

هاش من شافك ياملكه الاحساس
مشكوووووور مرورك الجميل رنا

دودو زادت صفحتى جمالاً بمرورك الجميل
عاشقه عالم الفن
عسى ان تنال على اعجابك
دمتم بكل ود
ورجاء تقبل منى فائق احترامى وتقدير

15.01.10 1:46

نخوش بقى على الجزء السادس
لآجمل ناس واصحاب
فاكرين اخر مرة طبعا ايه حصل
اول ما ياسمين عرفت انه صاحب اخوها
طبعا كان مخضوضه
ونتابع الجزء السادس

عمرو :- وفيها اى اتخضيتى كدا ليه ؟؟

ياسمين :- طب ولو عرف

عمرو :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ...,,,, طب ماهو كمان بيحب وعايش قصة حب

ياسمين :- بس هو حاجة وانا حاجة
ياسمين :- انت لو عندك اخوات بنات كنت هاترضى انهم يكلموا حد

عمرو :- اولا انا عندى اخوت بنات بس لسة صغيرين ,,ولما يكبره يبقى ربنا يسهل

ياسمين :- لا ها ترضى ولا لا قول ؟؟!!

( اى السؤال المحرج ده )

عمرو :- بصى يا ياسمين مش كل الناس ذى بعضها
انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى

( هرب من السؤال بمعلمة )
هههههههههههههههه

ياسمين :- (تنهيييييييد)

عمرو :- مالك

ياسمين :- مافيش

عمرو :- طب ممكن بقى اسمع منك كلمة بحبك

ياسمين :- دلوقتى

عمرو :- اه طبعا امال بكرة ههههههههههههه

ياسمين :- لا طبعا انا مش ها اقولهالك غير لما اتاكد مية فى المية انك بتحبنى

عمرو :- انت كل ده ولسة ما اتاكديش

ياسمين :- يعنى ومش .....

(بوم اتقفلت السكة على ودن عمرو طبعا عمرو فهم ان فيه حد دخل عليها )
اتصل بعديها بشوية

عمرو :- الو

ياسمين :- الووو

عمرو :- اى فيه اى اللى حصل

ياسمين :- لا والله النمرة غلط

( وبردك قفلت السكة )
شك عمرو شوية بس يمكن فيه حد جمبها وفقد الامل انه ممكن يكلمها تانى النهاردة
وكمل اليوم مع صحابه
وحكلهم على اللى حصل
وكله تمام ومرت الايام فى سعادة وسكينة
لحد ما ياسمين قالت لعمرو انها حكت لمامتها عنه وان مامتها عاوزة تكلمه
طبعا عمور استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟
عادى كلمها وانت ها تعرف
وكان عمرو قلقان اوى من الموضوع ده
بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه
وفى يوم كان عمرو

بيكلمها
وفجأة

ياسمين :- على فكرة ماما عارفة انى بكلمك دلوقتى وهى عايزة تكلمك

عمرو :- طب ياسمين .....

ياسمين :- خد ماما معاك

(((يا خرابى على الزنقة ))

مامتها :- السلام عليكم

عمرو :- وعليكم السلام ( ضاااااااااع الواد )

مامتها :- اذيك يا عمرو

عمرو :- تمام الحمد لله اذى حضرتك

مامتها :- الحمد لله
مامتها :- ياسمين كانت حكتلى عنك وبصراحة كدا انا قولتلها انها ما تكلمكش تانى بس هى مش راضية
وانت عارف بقى دماغها ناشفة

عمرو :- اه مانا عارف طب وحضرتك ليه كدا ؟؟

مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟

عمرو :- مش بدرى ولا حاجة انا قدامى سنتين واتخرج من الكلية وسعتها ممكن انى اتقدم لياسمين وبعدين ياسمين لسة صغيرة

مامتها :- يااااااا يا عمرو ده انت لسة عاوز تكون نفسك ولسة قدامك جيش وموال

هههههههههه

عمرو:-طب وليه حضرتك ها تعقدينى (( الواد جاله احباط ))

ههههههههه

عمرو :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب ياسمين وهى كمان بتحبنى ,, وباذن الله نكمل مع بعض

مامتها :- مافيش حاجة اسمها حب فى الزمن ده انت بس علشان شايف ياسمين حلوة شوية فمعجب بيها مش اكتر

عمرو :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم

(( وفضل عمرو كلمة من هنا وكلمة من هناك يقنع بيها والدة ياسمين بكلامه ))
(( وفعلا نجح فى انه يقنعها )) ( مقنع اوى الواد ده ....طالع لى )
هههههههههه

واثناء المكالمة كان سامع صوت ياسمين جمب مامتها وهى بتقول قفشات وبتعلق على كلام مامتها ذى
خلاص بقى عقتى الواد
كفاية كدا
اشمعنا يعنى باسم

وكان بيضحك عليه هو ومامتها
وبعد ما المكالمة ما انتهت
حس عمرو ان الدنيا بدأت تضحكله وان هم من على قلبه انشال
واول ما روح بيته اتصل بيها تانى واتكلموا مع بعض عن كلام مامتها واى هو رد فعلها على كلام عمرو

بس الواد كان ذى الاسد واقدر انه يقنعها بكلامه ويثبتلها انه قد المسئولية وقد كل كلمة بيقولها
وقالت ياسمين لعمرو ان مامتها معجبة بشخصيته وبكلامه
وانها عاوزة تشوفه وانها حكتلها على موضوع الدرس اللى بيروحه عشان خاطر عيونها
وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر
واطمن عمرو لكلام ياسمين

وانتهى اليوم بسلام
لحد ماظهرت مشكلة جديدة وهى ان باسم شك ان اخته بتكلم حد فى التليفون و......

تنتهى الحلقة على كدا ااااااااااااااا
ونشوفكم على خير
مع يوميات عمرو وياسمين فى الجزء السابع
فكرو بقى ايه اللى ممكن يعملو باسم افندى
وياترى بعد القصه الحلوة دى
ايه اللى هيحصل
على موعدنا ان شاء الله
بس رجاء
اقرأو القصه واحده واحده

شــَ‘ــآ’عــٍرٍ إآلعــًَ‘ــذآ’ب

15.01.10 2:29

ههههههههههههههههههههههههههههه

جميــــــــــــــــــــــــــــــــــله يا شاعر طول عمرك فنان والله

[ندعوك للتسجيل في المنتدى أو التعريف بنفسك لمعاينة هذه الصورة]

منتظرة باقى القصة

15.01.10 3:22

شاعر كل مره بتشوقنا اكتر

ياترى باسم هيعمل ايه [ندعوك للتسجيل في المنتدى أو التعريف بنفسك لمعاينة هذه الصورة]

18.01.10 1:48

فكرى ياقمر على ما اعد الجزء اللى جى

18.01.10 8:48

مشكور شاعر بس ياترى
ممتها هتكون ديمقراطيه
مادام قالت لها لازم تقف جمبها
[ندعوك للتسجيل في المنتدى أو التعريف بنفسك لمعاينة هذه الصورة]

22.01.10 16:49

اكيد ديمقراطيه والا ماكانتش وافقت من الاول انها تكلم واحد هى ما تعرفهوش

انا اسف على تأخير الجزء ده بس النت هو السبب
دايما فاصل

برجاء تقبل تحياتى