قصه واقعيه مذكرات عمرو وياسمين

11.11.09 5:57 تقييم المساهمة: 100% (1)

[ندعوك للتسجيل في المنتدى أو التعريف بنفسك لمعاينة هذه الصورة]
يسعدنى ان اكون اول من يقدم للأقسام الادبيه والروايات
روايه فى قمه الجمال
عسى ان تنال على اعجابكم
وهى قصه واقعيه
حدثت بالفعل
وهى على عده حلقات
وهى مأخوذه لصديق ولست ان احد ابطال هذه القصه
فقط انا من نقلها على لسانه
ارجو ان تنال على اعجابكم
________________

· انا عندى قصة جميلة جداااااا
بس مش ها يفهما ولا يحسها غير الرومانسى
لانها رومانسية جدااااااا
ويا ريت تنال اعجابكم
القصة اكتر من جزء وها اكتب بقية الاجزاء بناء على ردودكم على الجزء الاول ,,
يلا بينا نبداااأ

[size=21]

الجزء الاول

أبطال القصة :-
1- عمرو
2- ياسمين
وفيه اشخاص فرعية ذى
1- حودة (صاحب عمرو)
2- الخطيب (صاحب عمرو)
3- مروة (صاحبة ياسمين الانتيم )
مش ها اطول عليكم اكتر من كدة
هااااااااااا ندخل فى القصة على طول
القصة ديه بتبدأ لما عمرو وحودة كانوا بيتمشواااا وحودة بيحكى لعمرو على واحدة شفها امبارح ,

حودة : - ده انا شوفت حتة دين بنت يا نهار ابيض جامدة اوى اوى , جسم ايه ومجانس ايه ؟؟ جامدة جامدة يعنى
عمرو :- ههههههههههههههههه
يا بنى انت مش ها تبطل بقى قلة ادبك ديه انت عمرك ما تبص على الجمال وتفكك من الحاجات اللى انت بتقولها ديه نفسى تبص لوش البت مش على جسمها !!!
حودة :- ايون خليك انت كدة عايش فى الوهم يا بنى خليك عملى وانا ها استفاد ايه لما ابص لوشها مش لازم اعاينها الاول ((معلش بقى تقولوا ايه شخصية زبالة ))
عمرو :- انت حر يا عم بس لما واحدة تهزقك ولا تمرمط بيك الارض ما تبقاش تعيط وانا مش ها احوش
حودة :- يا بنى تمرمط مين ده انا حودة الجامد اوى ..,,..
((وف نفس اللحظة ))
حودة :- انت تنحت كدة ليه ؟؟
عمرو:- يا نهار ابيض على الجمال مين البت ديه يا حودة ((بم ان حودة خبرة فى الحاجات ديه ))
حودة :- ما هى ديه يا عم البت اللى انا بحكيلك عليها ايه رايك جامدة صح ؟؟
عمرو:- جامدة مين يا عم ديه صاروخ انت شايف عنيها عاملة ازاى
حودة :- عنيها تانى وانا اللى قلت انك فوقت من الوهم اللى انت فيه داك داهية شايف ال ......................... ((شوفوا انتم بقى عشان مش ها اقدر اتكلم ))
عمرو :- استنا بس يا حودة ايه يابنى البت ديه
((وفلحظة اختفت من قدام عيون عمرو ))
حس عمرو ان روحى اتسحبت منه وان قلبه بيجرى يسابق الزمن , وما تمناش اد ما تمنى فى حياته انه يعرف اسمها او حتى يعرف اى حاجة عنها
حودة :- ايه ياعم السهتان رحت لفين
عمرو:- ((مافيش رد))
حودة:- انت يابنى
عمرو:- ايييييييه ((كان سرحان صاحبنا))
انت بتقول حاجة يا حودة ؟؟
حودة:- حودة لا ولا حاجة يا حبيبى يلا بينا انت شكلك دخت
عمرو:- البت ديه جميلة اوى يا حودة اوى اوى
انت ما تعرفش ديه مين ؟؟
حودة:- يا ريت كنت اعرف !!!!
ااااااااااااااااااااااااااااااااااه
هههههههههه
ما تيلا بينا بقى يا عمور إحنا اتأخرنا
((وبعد مرور ايام اتعمد عمرو انه يروح نفس المكان ونفس التوقيت اللى شافها فيها اول مرة))
(( وكان على امل انه يشوفها تانى ))
بس المرة ديه قابل الخطيب ((صاحبهم التالت))
الخطيب :- ايه يا بنى ادمين اللى موقفكم هنا
حودة :- شوفلك حل فى عم الرومانسى اللى لاطعنا هنا بقاله نص ساعة
الخطيب :- وعلى ايه كل ده ؟؟
((وصحبتنا كانت طالعة فى اللحظة ديه))
حودة :- الصلاه ع النبى فرس ....... فرس يعنى مش اى كلام
عمرو :- اتلم بدل ما لمك ديه خلاص بقت تبعى
الخطيب :- فيه ايه يا جدعان ؟؟!!
الحوار على ايه ؟؟!!
حودة :- شوفلك صرفة فى عم الرومانسى ده
ده بيحب على روحه
عمرو:- احترم نفسك ياض
اللى هناك ده الكبير اوى ده
الخطيب :- اممممممممممممم !!!!
انت عارف ديه مين ؟؟
عمرو :- ايه ده انت تعرفها ((بلهفة ))
الخطيب :- ديه اخت باسم صحبنا ال فى الكلية
احمد :- باسم مين ؟؟
الخطيب :- باسم المدخوم
حودة :- يااااااااااا راجل باسم الموميا
قول كلام غير ده
الخطيب :- انت معجب بيها ولا ايه ؟؟
حودة :- معجب ايه ياعم ده ميت ((بتريقة))
عمرو :- انا مش عارف يا خطيب انا والله حصلى ايه من ساعة ما شفتها
حودة:- حصلك نفس اللى حصلى
ااااااااااااااااااااااااااااه
الخطيب :- انت لسة ذى ما انت
حودة :- امال عايزنى ابقى ذى عمك الرومانسى ده
عمرو :- يا جدعان سيبوكم من اللى انتم فيه ده دلوقتى
وقولولى اعمل ايه دلوقتى ؟؟
الخطيب:- تعمل ايه فى ايه انت عبيبط يا بنى !!
عمرو :- انا نفسى اكلمها بس مش عارف ازاى ؟؟
الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع الموضوع ده من دماغك
عمرو :- اممممم (( وبيهز راسه ))
انت تعرف اسمها يا خطيب ؟؟
الخطيب:- ااااااه
عمرو :- اسمها ايه ؟؟
الخطيب :- اسمها ياسمين
عمرو :- يــــاسمين
الخطيب :- وآنت عارف انت ممكن تجيب رقم تليفون البيت كمان بسهولة
عمرو:- ازاى ؟؟!! (( باستغراب ))
حودة :- يا عم من اخوها يا عم
الخطيب :- اتلهى على عين امك يا اهبل
ما يروح احسن يقول لاخوها
عمرو :- امال ازاى ؟؟
الخطيب:- ماهى تبقى صحبة سلمى اخت المـــــــــــن
حودة :- الكداااااااااااااااب ((بضحكة))
(( وده صاحبهم الرابع واسمه كدة لانه ماشى بيكدب على روحه
كدااااااااااااااااااااااااااااااااااااب اوىىىىىى ))
الخطيب :- بس اوعك يا عمرو تعمل كدة
ما تنساش يا جدع انه صحبك
حودة :- فكك يا عم من الولة المعقد ده ما تسمعش كلامه
وفيها ايه لما يكلمها هو يعنى ها يقلها كلام ............
وبعدين هو اولى من الغريب بس هو يقدر عليه وما يكسفناش
عمرو .... الخطيب .... حودة
هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه )) ؟؟؟؟؟؟؟!!!!!!!!!
يا ترى عمرو هيكلمها ولا لا ؟؟
ويا ترى عمرو ها يسمع كلام الخطيب ولا حودة
وده كان الجزء الاول من القصة
اكمل ولالالالالالالالالالالا
يا ريت اسمع ردودكم وتعليقاتكم على القصة .

انتظرو الجزء التانى
مع تحياتى
شـــ العذاب ـــاااعر

11.11.09 14:37

اولا: القصه بجد جميله
ثانيا: انا حاسس ان فى حد خلصت الاسماء كلها من عنده ومالقاش غير عمرو هههه

ثالثا: اظن ان الحب هيوصل عمرو انه غصب عنه هيجيب رقمها ويكلمها
ويندم بس لو بجد برنس بقا يروح يقول لاخوها فى ناس عملوها قبله

الله يرحمهم
هههههههههههههههههههههه

تقبل مرورى

11.11.09 14:37

العضو 'رئيس جمهورية شبرا' قام بالعملية التالية: رمي المكعبات

'0' :
[img:53a6][ندعوك للتسجيل في المنتدى أو التعريف بنفسك لمعاينة هذا الرابط]
النتائج : 1, 1, 1, 1

11.11.09 22:45

ههههههههههههههه
اصلى ياعموووووووووووور
على فكرة نصيبك ان يكون صاحب القصه اسمو عمرو
ههههههههههههه
وثانيا مشكووووور على مرورك الجميل
وعايز اشوف باقى الاراء
علشان نكمل القصه
تحياتى
شاعر العذاب

13.11.09 3:20

مشكور ي شاعر القصة جميله مستنيه الباقى

13.11.09 3:43

اسعدنى مرورك دودو
وباقى القصه فى انتظار باقى الردود والاراء
حتى تكتمل القصه وتصل الى مرادها الحقيقى

13.11.09 18:01

ايه ياشاعر هو عمرو هيدبس فى الاخر ولا ايه النظام

وباقى القصه فى انتظار باقى الردود والاراء
حتى تكتمل القصه وتصل الى مرادها الحقيقى

15.11.09 1:35 تقييم المساهمة: 100% (1)

لاء ما تقلقش ياعموووووووووور انا عارف انك متشوق للقصه اوى
عموما فات الكتير وحان الوقت لعرض الجزء التانى من القصه

15.11.09 1:52

منتظرررررررررررررررر بشووووووووووووووووووووووووووق

[ندعوك للتسجيل في المنتدى أو التعريف بنفسك لمعاينة هذه الصورة]

15.11.09 2:34

. يا ناس يا عسل الجزء التانى وصل
معلش اتاخرت عليكم
واحد اتين تلاتة اكشنننننننن

طبعا صاحبنا فضل طول الليل سهران يفكر فيها
وياترى يعمل اى يكلمها ولا لآ لحد ما توصل لفكرة جامدة جداااااا
وفجأه موبايل الخطيب الساعة 1 نص الليل بيرن
الخطيب استغرب جداااااا
ونط من السرير مفجوع ياترى مين اللى بيتصل ده
لقى عمرو بيتصل
وهنا بيبتدى الجزء التانى ..................

الخطيب :- عاوز اى يا زفت !!!

عمرو :- بلاش غلط يا حيوان
انا عاوز اشوفك دلوقتى حالا

((الخطيب باستغراب ))

الخطيب انت عبيط ياض انت دلوقتى اى ((( ده اتهبل ولا اى )))

عمرو :- يا عم اسمع الكلام تعالى نقعد على اى كافتيريا عاوز اكلمك شوية

الخطيب :- اى اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة ))

عمرو :- غور فى ستين داهية انا غلطان انى اتصلت بيك

الخطيب :- يا عم طب قول انت عاوز اى ؟؟

عمرو :- خلاص بكرة يا عم غور اتخمد

وقفل السكة
((وكمل تفكير فى حبيبته اللى ماحدش حاسس بيه غير قلبه ))
تانى يوم
اتقابلوا هما التلاتة

حودة :- انت ليه انت ياض بتتصل بالولة نص الليل ياض !!!!!
اى للدرجادى كنت مزنوق ؟؟ ((معفن بقى))

الخطيب :- ههههههههه

عمرو :- مش عاوز هزار

الخطيب :- طب قول انت كنت عاوز اى منى ؟؟؟

عمرو :- انا جتلى حتة دين فكرة عشان اكلمها

الخطيب :- هى مين ؟؟

عمرو :- ياسمين يا عم

الخطيب :- يا خرابى هو انت كنت بتتصل بيا عشان كدا هو انت لسة بتفكر فيها

عمرو :- اسمعوا بس ((ويقطعه الخطيب ))

الخطيب :- انت بتحبها بجد

حودة :- هى بصراحة تتحب اوى جدااا خالص

عمرو :- يا جدعان انا البت دى شقلبت حالى والله ما نمت ,
طول الليل بفكر فيها وفى عنيها ونفسى اكلمها واقولها انى بحبها

حودة :- خلاص يا فلانتينو ها تعمل اى ؟؟

عمرو :- انا ها اروح الدرس معاها

((لحظة سكوووووت باستغراب)) حودة والخطيب بيبصوا لبعض
وفجـــــــــــــاه
ههههههههههههههههههه

حودة :- يبنى انت سخن انت دخلت الكلية خلاص وعديت مرحلة الثانوية من زمان يابابا
ههههههههه

الطريق من اوله ونقدم فى كى جى تو
ايون ونرجع تانى للزمزمية والشنطة وميس فهيمة اللئيمة
هههههههههههههه

عمرو :- اسمعوا بس
احنا ها نروح كاننا فى ثانوية كاننا عاوزين ناخد درس
ونحضر الدروس عادى معاها عشان هى تلاحظ انى معجب بيها

الخطيب :- يا سلام ونرجع تانى للمذاكرة والتسميع والضرب والواجب

حودة :- طب اقولك على حاجة احسن احنا ناخد

عمرو :- والله العظيم ها امشى

الخطيب :- يا عمرو ما انت كلامك مش معقول

عمرو :- اسمعوا بس

وفضل عمرو يقنع فيهم لمدة ساعة كاملة انهم يروحوا الدرس
واخيرا قدر يقنع حودة انه يروح بس الخطيب رفض وطبعا حودة وافق عشان سببين :-
1_ اولا طبعا عشان مزز الثانوية
2_ عشان عمرو هو الل ها يدفع تمن الدرس
((ههههههههههههههههههههههههههههههههه ))
((سببين يقنعوا اى حد وبالزات حودة ))
وفعلا راحوا للاستاذ وكان مدرس فلسفة وطلع شكله عبيط همه كله الفلوس

وده اول يوم فى الدرس

حودة :- الصل عل النبى هى ليلتنا فل ولا حاجة

عمرو :- شششششش ها تفضحنا

حودة :- والنعمة امشى سيبنى بقى شوية عيش وعيشنى يا اسطة

وعدت واحدة من قدمهم

حودة :- يا غزال اى الجمال ده غزال يا خواتى

عمرو :- وحيات امك اسكت عشان ..................

وفجاه دخلت ياسمين عمرو اتسمر فى الارض
ومش عارف يعمل اى كل اللى عمله انه ماشلش عينه من على عينها

حودة :- يابن المحظوظة دى البت عليها.................

(سمحوه عشان خاطرى
هو ده مبدأه فى الحياه طبعا مبدأ منيل بنيلة ))

عمرو :- حودة عشان خطرى اسكت

عمرو :- خلاص ياعم انا غلطان من الاول

وعدى اليوم الاول من غير ما عمرو ما يعمل اى حاجة غير انه يبصلها وبس بس هى طبعا اكيد اخدت بالها
وبليل التلاتة قاعدين على كافتيريا

الخطيب:- يلا يا عم اى خدمة جبتلك رقم التليفون بتاع البيت من المن

عمرو :- وقولتله اى ؟؟

الخطيب :- ولا حاجة يا عم حورت عليه شوية
وهو فضل يدخلنى فى متاهات
وعاوز اقوله يا من خلاص عارف انك بتحور ومكسوف منه هههههههههه

حودة :- المهم انت ها تتصل امتى ؟؟

عمرو :- لا لسة مش دلوقتى

وجيه تانى يوم فى الدرس
(وكل اللى عمله عمرو انه يبصلها بس هو المرة دى اتاكد انها اخدت بالها انه دايما يبصلها
وحودة كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ

وبليل
التلاتة وخصوصا عمرو عمل حاجة جريئة اوى

(فكر انه لازم يشوفها فجى ناحية البيت وراح معدى من تحت البلكونة
وهما التلاتة علو صوتهم وبما ان حودة خلاص صوته بقى مميز جدااااااااااااا
فجأأأأأأأأأأأأأأأأأأأأة
طلعت من البلكونة تبص

صاحبنا قلبه اتخلع من كتر دقاته ووشه جاب الوان
حودة بيكلمه بصوت واطى

حودة :- يلا يا عم اى خدمة

ووصلوا لاخر الشارع ورجعوا تانى لقوها لسة واقفة
عمرو بصلها جت عينه فى عينها
دخلت جرى على جوه

خد لفته ورجع تانى
حودة اتكلم بصوت عالى
عمرو فرح جدااااااا
وعمل نفسه بيكلم فى الموبايل وبيقول

عمرو :- طب خلاص بقى انا ها اتصل بيك كمان شوية

وفى الطريق

حودة:- ما تتصل بقى يا عم

عمرو :- لا يا عم لما اشوف اخوها الاول واكلمه عشان اوضحله الموضوع شوية

حودة :- انت عبيط ولا انت شكلك كدا

عمرو :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان

الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك

عمرو :- امممممممممممممممم

حودة :- اتصل بقى

الخطيب :- لآلآلآلآلآلآلآلآلآلا
اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

عمرو :- اااااوك

حودة :- على اقرب سنترال

ودخل عمرو السنترال
واول ما مسك السماعة حس انه بينهار حس انه مش عارف ها يقول اى سابها لربنا كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى
وفففففففجاه

ياسمين :- الو

عمرو بعد ما تاكد انها هى من صوتها

عمرو :- ايوة

ياسمين :- مين معايا ؟؟

عمرو :-واحد ومش لازم تعرفى مين
بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك

ياسمين :- مين معايا !! (باستغراب )

((قال يعنى مش عارفة مين ده يا جدع البنات دول عليهم حركااااااااااات ))

عمرو :- واحد معجب بيك يا ياسمين وصعب اقول اكتر من كدا

ياسمين :- اه وبعدين يعنى

عمرو :- ولا قبلين

ياسمين :- طب اى المطلوب منى !!!

عمرو:- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

ياسمين :-اااااه ...... طب ممكن ما تتصلش هنا تانى

(وف ثانية عمرو قفل السكة اول ما سمع الكلمة دى
ماعرفش ها يقول اى حس ان كل حاجة ادمرت
حتى الحلم اللى بقاله كتير بيسهر يحلم بيه ضاع واتكسر
مش عارف ها يقول اى لصحابو
اللى مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه
وبعديييييييييييييييينكمل المرة الجاية

بس يا ترى عمرو ها يتصل تانى ؟؟؟؟
ولا ها ينسى الموضوع وكانه ما حصلش ؟؟؟؟
وهى يا ترى عرفت مين هو ؟؟؟؟
ويا ترى ها تعمل اى فى الحصة الجاية ؟؟؟؟
كل دى اسئلة ليكو انتم ها تخمنوها وتقولوا ردها
واشوفكم على خير فى الجزء التالت

تقبلو تحياتى

شــ العذاب ــاااعر

15.11.09 3:09

اولا : ال قولتله طلع صح الى حد ما

ثانيا: تسلم ايديك

ثالثا : لو معاك رقم ياسمين ابعتهولى

[ندعوك للتسجيل في المنتدى أو التعريف بنفسك لمعاينة هذه الصورة]

15.11.09 18:46

هههههههههههههههههه
عينى ياحبى انتا تأمرنى
بس عايز الرقم وبس؟؟؟

مشكووووور عموووور حبيبى
اشوف بقى باقى الاعضاء والاراء
علشان نكمل الباقى

25.11.09 0:23

اه الرقم بس سيب الباقى عليا انا هع هع

هع هع هع

[ندعوك للتسجيل في المنتدى أو التعريف بنفسك لمعاينة هذه الصورة]

27.11.09 20:08

بصراحه انا مش متشجع اكتب باقى القصه
خصوصا ان القصه ما خدتش حقها فى الرد
بأنتظار باقى الردود حتى اعد باقى القصه

27.11.09 21:01

ونعم الراى يا [ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

27.11.09 21:08

تسلم جوبا على تأيدى فى الرأى
ومشكوووور مرورك الجميل

06.12.09 2:02

هههههههههههههههههههههههههههههههههه جامدة كمل كمل

غريبه اوى يا شاعر ان بطل القصة اسمه عمرو وطاقق بردو ف حركاته بس للاسف خايب انما عمرو الدعم

شاطر وملحلح هههههههههههه مستنيه باقى الفصة

07.12.09 17:25

بصراحه القصه جميله مووووت
بس بسرعه ياشاعر كمل
عشان أنا عايزه أعرف الباقى
بس كلامك كلام جميل وكلام معقول مااقدرش أقول حاجه عنه

10.12.09 22:13

تسلم ايديك يا شاعر

وبجد القصه دى تكمل
احسن اولعلكم فى المنتدى ده

[ندعوك للتسجيل في المنتدى أو التعريف بنفسك لمعاينة هذه الصورة]

11.12.09 23:56

شاعر باين عليه زود فى لحمة بتاعة العيد

كبسيت على قلبه هيقضيها نووووووووووووم

واحنا منتظرين القصه

[ندعوك للتسجيل في المنتدى أو التعريف بنفسك لمعاينة هذه الصورة]

14.12.09 12:20

عاشقة معها حق

شاعر باين عليك اللحمة كبست اوى

كمل القصة [ندعوك للتسجيل في المنتدى أو التعريف بنفسك لمعاينة هذه الصورة]

14.12.09 20:24

شاعر

يابنى دافع عن نفسك

احسن هنا عالم مابيرحمووووووووووووووووش

بس بصراحه ليهم حق

[ندعوك للتسجيل في المنتدى أو التعريف بنفسك لمعاينة هذه الصورة]

15.12.09 23:31

ع فكرة يا جهاد هو اتاخر اوى

ف تكملة القصة انا مستنياه يكملها من بدرى
[ندعوك للتسجيل في المنتدى أو التعريف بنفسك لمعاينة هذه الصورة]

21.12.09 17:26

اسف للتأخير بس والله مش لحمه العيد ولا حاجه
بصراحه وبدون زعل
انا لما شفت القصه مش واخده حقها فى الردود ما حبيتش اكملها الا لما الشوف التشوق والانتظار
وكده اناعينى ليكم احباب عام الفن
فى اقرب وقت ممكن
حتى اقوم بأعداد الجزء الثالث

مشكووووووووووووووور
كل من ساهم برد او بمرور
لكم منى جزيل الشكر
تقبلو تحياتى جميعاً
شـــ العذاب ـــاااعر

23.12.09 20:31

ياسمين :- اه وبعدين كلمة رخمة اوى اوى اوى اوى اوى

عمرو :- انا قولت اللى عندى ومستنى اسمع ردك يا واد يا تقيل
بس على فكرة
والله العظيم عمرك ما هتندمى انك فى يوم كلمتينى
لانى بجد انسان كويس مش وحش

والنهاردة الجزء التالت من عمرو وياسمين
طبعا صاحبنا بعد المكالمة ماكنش فاهم حاجة خالص

عمرو :- منين البت دى كل ما بتسمع صوتى تجرى على البلكونة
وتبقى عاوزة تشوفنى ومنين ردت عليا الرد البايغ ده ؟؟ ( طبعا بيكلم نفسه )

المهم صاحبنا ندم انه اتصل
طلع من السنترال وكانه طالع للنار ( مع ان الجو كان تلج )
المهم صحابه كانوا بيهدوا

حودة :- يبنى ماهى اكيد كان هو ده الرد الطبيعى منها
امال انت عاوز اول ما سيادتك ما تكلمها
ترد عليك
ايوة يا حبيبى انا بمووت فيك بعشقك كدا برده يا سونة يا خيان
هههههههه

عمرو :- وحيات امكم مش عاوز تريقة سيبونى فى اللى انا فيه

الخطيب :- يا جدع فكك يقى وفرفش

عمرو :- انا مخنوق اوى

الخطيب :- والله العظيم اسمع الكلام
هى لازم تقول كدا فى الاول عشان يعنى تبان انها بنت تقيلة ومحترمة وكدا

( المهم فضلوا يقنعوا فيه ان ده عادى وطبيعى )
( وبرده مافيش فايدة )
( روح صاحبنا وطبعا كان ليل طويل على كل العشاق وهو من ضمنهم وخصوصا العشاق المجروحين )
( عمال يفكر طول الليل فيها وياترى اى اللى هيحصل )
صبح الصبح
كان المفروض ان فيه درس تانى يوم
صمم انه يروح بس حودة ما رحش تقريبا خاف
لقى البنت طبيعية خالص وبردك لسة بتبصلوا كل ما تيجى عينه فى عينها
قال فى عقل باله

هى البت دى عبيطة ولا هى اللى شكلها كدا
يا اما انا كلمت حد غيرها

وهنا بدأ يشك فى الموضوع
عدى 3 ايام
وكانت الساعة تقريبا 9 عدى روميو من تحت البلكونة
وكالعادة جوليت واقفة البلكونة فى الميعاد المعتاد جت عينه فى عينها ولانه كان لوحده مادخلتش فضلت واقفة تبصلوا
راح طلع الموبايل وقال بصوت عالى

انا مش عاوز غير الرضى
وبعدين انا لازم اكلمك

هى ابتسمت ودخلت
صاحبنا خد السكة صاروخ لحد السنترال
اتصل بيها
فى اللحظة دى هو ماكنش محضر كلام عشان يقولوا
وكان خايف اوى اوى
وفى نفس الوقت مطمن لانه حاسس بقبول من ناحيتها
السماعة اترفعت

عمرو :- الو

كان حاسس انه سامع دقات قلبها فى السماعة وحاسس انها متوترة اوى
وهو كان انيل منها
المهم

ياسمين :- ايوة مين معايا !!

عمرو :- واحد

ياسمين :- واحد مين !!

عمرو :- مش ياسمين معايا بينه وبين نفسه اتاكد بقى المرة دى

ياسمين :- ايوة مين انت
عمرو :- انت عارفة كويس انا مين
ياسمين :- اه وبعدين

عمرو :- ولا قبلين
بصراحة انا معجب بيك جداا جدااا يا ياسمين
وربنا العالم بحالى دلوقتى وانا بكلمك
ونفسى بصراحة ان احنا نكون لبعض

ياسمين :- يسلام
بس انا فاهمة كويس اوى حركات الشباب بتوع اليومين دول و ....

قاطعها

عمرو :- والله العظيم انا مش منهم خالص بدليل انى ما حاولتش ولا مرة انى اعكسك فى شارع او حتى اقول اى كلمة

ياسمين :- صح انت جبت رقم التليفون منين ؟؟

عمرو :- ده مش موضوعنا دلوقتى

ياسمين :- انا مش بفكر فى المواضيع ديه دلوقتى خالص

عمرو :- بصراحة انا بحبك بجد والله العظيم
مهما كان ردك عليا
ها تفضلى ياسمين اللى اتشدتلها من اول ما جت عينى فى عينها

سكوووووت

عمرو :- ياسمين قولتى اى ؟؟؟

ياسمين :- طب وانا اى اللى ضمنى ان الكلام اللى انت بتقوله ده مش كدب
وانك بتتسلى بيا

عمرو :- الدليل على كدا انى فى كلية مش فى ثانوى

ياسمين :- يسلام امال مين ال بييجى الدرس ده

عمرو :- انا بروح الدرس بس عشان اشوفك

ياسمين :- طب ممكن تقفل دلوقتى عشان بابا زمانه جى

عمرو :- بس انا ما سمعتش ردك

ياسمين :- سيبنى افكر وارد عليك

عمرو:- ياسمين

ياسمين :- نعم

عمرو :- بحبك

ياسمين :- يلا باى

عمرو :- لا اله الا الله

ياسمين :- سيدنا محمد رسول الله

وطلع صاحبنا من السنترال مظأطط ونفسى يجرى فى الشوارع ويغنى
بحبهااا .... وفى قلبى ساكن حبها ..... ياريت ياشوق توصلها ......ويحس بيا قلبها
بحبها................ بحبها
وتانى يوم كان فيه مصيبة مستنياه فى الدرس
طبعا عمرو لبس الحتة ال على الحبل
وحط برفان 5 خمسات ههههههه
وجلجل شعره
وظبط نفسه وراح الدرس وهو فى سكته حود على حودة
وحكاله الحوار فى السكة
وحودة كان فرحان عشانه اوى لانه حس ان عمرو مش فى حالته الطبيعية
راح الدرس
اول مادخل الدرس لقى ياسمين
واقفة مع منى ( سكرتيرة الدرس )
ووششها عليه غضب ربنا اتفجع الواد
ولقى منى بتناديله
وكانت المفاجاة الجامدة صدمة على عمرو
الواد هيموت منناااااااااا
وووووووو نكمل المرة الجاية
فى الجزء الرابع

[size=21]

برجاء تقبلو تحياتى

شــَ‘ــآ’عــٍرٍ إآلعــًَ‘ــذآ’ب

قصه واقعيه مذكرات عمرو, وياسمين

قصه واقعيه مذكرات عمرو وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين

رد: قصه واقعيه مذكرات عمرو, وياسمين