قواعد واصول الرزاله الى فى الدنيا هههه ؟؟؟

19.02.10 0:25

بصوا بقى انا جايبلكم النهارده اصول الرخامه والرزاله على حق..................؟؟؟؟؟؟؟

علشان تعرفوا تغلسوا على خلق الله بضمير ، و اليكم قواعد الغلاسة الأصلية

· قول نكته طويلة و لما تيجى عند آخر سطر - وهو السطر المهم اللى فى الأفيه - أعمل نفسك نسيته ، لو حد غلس عليك قوله " و الله كانت نكته جامده بس الظاهر أنى نسيتها " .

· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .

· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

· لما حد يشكي لك من حاجة قوله أنا عندى مشاكل أكتر منك !! .

· و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!! .

· كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ، قوله " أتجوزت ؟! " هيقول : أه الشهر اللى فات ، قوله " الشهر اللى فات ؟! " و هكذا .

· و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .

· بعد عشر دقايق كرر نفس الحركه تانى .

· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .

· طول ما انت قاعد مع زمايلك فى الشغل ، شغل موسيقى نشيد بلادى ، و صدقنى هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى !!! .

· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .

· كل ما حد يقولك حاجة قوله " هاها ... كل الناس فاكره زيك بالظبط " !!! .

· وانت قاعد مع ناس و قدامك كمبيوتر تخيل الماوس عدة تليفون ... و أتكلم فيها كل كل شويه بصوت عالى ... " ألو ... أيوا " .

· علق فانوس كبير فى الشارع و فروع ورق زينة ، بشرط مايكونش في رمضان .

· أتكلم مع الناس بصوت الريبورت ( الانسان الآلى ) !!! .

· أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله

· و أنت في المول ، ماتمشيش عادى ، لأ ... أفضل نط لحد ماتوصل للمكان اللى أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف منك برضه و هو المطلوب .

· أعزم ناس في حفلات ناس تانيه " عيد ميلاد أو فرح او خطوبه ... " .

· هات علبه مناديل ورق و انت داخل السنيما و طول ما انت قاعد أفضل نف ، و على فكره أنت كده تعتبر بترزل على نفسك علشان كده انت كمان مش هاتسمع الفيلم !!! .

· سيب أشارة العربية الشمال شغاله لمدة 5 كيلو من غير ماتلف ... و بعدين أطفيها فجأة و كمل علطول !!! .

· أول ماتشوف كيس كاتشب واقع على الأرض دوس عليه برجلك بقوة ، و قول اللى معاك " انا كنت بشوفه فاضى و لا مليان " .

· في حفلة عيد ميلادك أطلب من ال D.j أنو يشغل أغنية يعيدها 18 مره ورا بعض ... " أنا بحب الأغنية دى اوى يا جماعة " ، يا رزالتك يا اخي ربنا يهدك بجد .

· لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! .

· ألعب فى ألوان التليفزيون لحد ماتبقى كل الناس لونها بنفسجي ، و أعزم أصحابك يتفرجوا عالماتش عندك ... و لو حد اعترض ، قوله " أنا شايف أن دا لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم الحج ايه الرزاله دى .

· و أنت ماشى في حته كل ماتقابلك حاجة طبل عليها !!! .

· ألبس جراب زي اللى بيحطوا فيه المسدس ... بس حط فيه الريموت كنترول .

· أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل .

· غير قناة التلفزيون قبل نهاية الفيلم و أو الماتش ب5 دقايق .

· أضحك لواحدة ماتعرفهاش في الشارع و قولها بصوت عالى صباح الخير ... عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا كمان ممكن تكون شافت الموضوع ده

وكده بقه انا أديتكم العلم اللي ممكن تنتفعوا بيه وتغتتوا على خلق الله عشان الناس تمشي تكلم نفسهه في الشارع أكتر مهيه متنيله كمان وكمان
بس صدقوني محدش حيطقكوا وحتتحدفوا بالشباشب

هههههههههههههههههههههههه

19.02.10 1:57

· أستلف قلم من حد ، و حط القلم فى بقك ، و أعمل نفسك
بتفكر و منهمك و أنت عمال تعضعض في القلم ، أوووف يخرب بيت الرزاله

·
و أنت في المول ، ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف
منك برضه و هو المطلوب .

· أعزم ناس في حفلات ناس تانيه " عيد
ميلاد أو فرح او خطوبه ... " .

· هات علبه مناديل ورق و انت داخل
السنيما و طول ما انت قاعد أفضل نف ، و على فكره أنت كده تعتبر بترزل على
نفسك علشان كده انت كمان مش هاتسمع الفيلم !!! .

· سيب أشارة
العربية الشمال شغاله لمدة 5 كيلو من غير ماتلف ... و بعدين أطفيها فجأة و
كمل علطول !!! .

· أول ماتشوف كيس كاتشب واقع على الأرض دوس عليه
برجلك بقوة ، و قول اللى معاك " انا كنت بشوفه فاضى و لا مليان " .

دانتى بقييتى استاذه

هههههههههههههههههههههه

19.02.10 15:50

بصراحه اخر رزالـــــــــــــــــــــــــــــــه

هههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

19.02.10 16:24

رئيس جمهورية شبرا كتب:
· أستلف قلم من حد ، و حط القلم فى بقك ، و أعمل نفسك
بتفكر و منهمك و أنت عمال تعضعض في القلم ، أوووف يخرب بيت الرزاله

·
و أنت في المول ، ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف
منك برضه و هو المطلوب .

· أعزم ناس في حفلات ناس تانيه " عيد
ميلاد أو فرح او خطوبه ... " .

· هات علبه مناديل ورق و انت داخل
السنيما و طول ما انت قاعد أفضل نف ، و على فكره أنت كده تعتبر بترزل على
نفسك علشان كده انت كمان مش هاتسمع الفيلم !!! .

· سيب أشارة
العربية الشمال شغاله لمدة 5 كيلو من غير ماتلف ... و بعدين أطفيها فجأة و
كمل علطول !!! .

· أول ماتشوف كيس كاتشب واقع على الأرض دوس عليه
برجلك بقوة ، و قول اللى معاك " انا كنت بشوفه فاضى و لا مليان " .

دانتى بقييتى استاذه

هههههههههههههههههههههه

ههههههههههههههههههه تلميذتك والله ياعمرو انت اكبر استاذ [ندعوك للتسجيل في المنتدى أو التعريف بنفسك لمعاينة هذه الصورة]

20.02.10 19:13

nona كتب:بصراحه اخر رزالـــــــــــــــــــــــــــــــه

هههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

دة من بعض ما عندكم ياقمر

ههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

30.04.10 15:17

ياااااااااااااااااااااااااااااااااااااااااااااااه
انتوا قدام اوى الوسائل فى تتطور
يعنى فى وسيله حلو انا بعملها انا بشوف عيب واعلق عليه
مثلآ
تعزم صحابك على الماتش وتتصل بيهم وياله وبسرعه
وتسبهم وتتفرج لوحدك وتخليهم يتفرجوا على القهوه
تشوف واحده لبسه شبشب فى ورده وتعلق وتفضل من اول ما تشوفها لحد ما تسبها اونت عمال قفشها بالورده
ويسلام بقاء لو بنت حلال وشكلها وحش
يبقاء ليلتها كوبيه
يابومه ياسلعوه مين الاحوال اللى اتعمه وفكر يبوصلك
والسكه دى اللى تخليها تولع فى نفسها
تبقواء فى مشاور ومفيش مايه غير ازازه معاك وتشرب المياه كلها لوحدك
تبقواء فى محطه اتوبيس وجنبك صحبك وتعاكس واحده وتبصلوا وتقولوا عيب كده
تشد البدى للبت ويكون صحبك هو اللى فى الوش
هى مش رزاله هى نداله
بس هو ده المطلوووووووووب
ال رزاله ال
النداله هى التووووب وعيش ندل تكون فريد من نوعك
اشطا صبح صبح
جميل دودو
اقوى من كده بقاء
تقبلى مرورى

07.11.10 20:30

هع هع هع هع منكم نعلم يا سيف ههههههههههههههه

نورت الموضوع بمرورك

قواعد واصول الرزاله الى فى الدنيا هههه ؟؟؟

قواعد واصول الرزاله الى فى الدنيا هههه ؟؟؟

رد: قواعد واصول الرزاله الى فى الدنيا هههه ؟؟؟

رد: قواعد واصول الرزاله الى فى الدنيا هههه ؟؟؟

رد: قواعد واصول الرزاله الى فى الدنيا هههه ؟؟؟

رد: قواعد واصول الرزاله الى فى الدنيا هههه ؟؟؟

رد: قواعد واصول الرزاله الى فى الدنيا هههه ؟؟؟

رد: قواعد واصول الرزاله الى فى الدنيا هههه ؟؟؟