نكت مطنش

• بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

• اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

• مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

• تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

• مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

مرة مدرس رياضة اتجوز مدرسة رياضة خلفوا ولد متساوى الساقين
مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا
اربعة أغبياء عملوا عملية اختطاف فخطفوا فتاه واوقفوا تاكسى فسائق التاكسى قال:التاكسى ده اربعه راكب بس قاموا سابوا الفتاه وركبوا هم


المدرس يطرد تلميذ من الفصل:
- انت يا ولد إطلع برة و ما تخشش الفصل دة تانى ....
- ليه يا أستاذ .. انا عملت ايه ؟
- لأنك غبى - ما بتفهمش!!! ... يالله روح على بيتكم ...
* التلميذ روح على بيتهم و هو بيعيط فأبوه بيسأله:
- ايه يا واد مالك بتعيط ليه؟؟؟ و ايه ايه اللى رجعك بدري من المدرسة ؟؟؟
- أصل الأستاذ طردني يا بابا .....
- طردك ؟؟!!!! طردك ليه .. عملت ايه ؟؟؟
- بيقول عليا غبي !!!!
- ايييييييييييه ؟؟؟؟ هو قال عليك كدة ؟؟؟؟ طب تعال معايا ....
* الراجل خد ابنه و راح على المدرسة و قابل المدرس و سأله:
- انت يا استاذ انت .... انت طردت ابنى من الفصل -
- ايوة
- ليه؟
- لأنه غبى ما بيفهمش !!!!
- و بتقولها كمان فى وشي ؟؟؟!!!
- ايوة .... و علشان اثبتلك .. إتفضل شوف بنفسك ...
* المدرس بيكلم التلميذ :
- انت يا بنى ..... عارف الفصل اللى جنبنا؟
- أيوة يا أستاذ طبعا ...
- طب أجرى على هناك بسرعة شوفنى انا هناك و اللا لأ ....
* التلميذ جرى رهوان و بعد ثوانى رجع تانى للأستاذ و قاله:
- يا أستاذ .... انا رحت الفصل اللى جنبنا أشوف حضرتك هناك و الا لأ زى ما طلبت منى ... لكن ما لقتكش هناك ....
* الراجل أبوه سمع ابنه بيقول كدة للأستاذ و راح ضارب كف على كف و قاله:
- يا نهارك اسود ومنيل .. بالذمة مش مكسوف من نفسك .... الأستاذ قالك تدور عليه فى الفصل اللى جنبينا ... بالعقل كدة ما لقتوش فى الفصل اللى جنبينا .. تروح تدور فى الفصل اللى بعديه !!!!!!!