الحب فى المنتدي .. انا قررت اخطب لواحظ يا ماما

30.12.09 5:58

تعالوا نشوف ايه الليــ حصل

هنختار اى اسم كانه عضو معانا

مثلا :: حنكش والبنت اسمها لواحظ

القصه ان حنكش ولواحظ بيحبوا بعض

وحنكش هيفاتح اهله فى الموضوع عشان يروح يتقدملها

حنكش بيكلم ولدته

[size=20]حنكش :: مساء الفل يا ست الكل

[size=20]الام :: بعد الكمتين دول يا حنكش يبقيــ اكيد عايز حاجه ولا النهرده عيد الامــ

حنكش :: لا دا لسة بدرى

الام :: تبقى عاوز فلوس

حنكشــ :: فلوس اية بس احنا بينا الحاجات دى برضه

دا أنا جايبلك مفاجأة

اليوم اللى كنتى مستنياهــ من زمان

الام :: خير

حنكش :: انا ناويت اتجوز

الام :: لووووووووووووووووووووووووووووووووووول

ياألف نهار ابيض يادى السعد يادى الهنا

اخيرا سمعت كلام امك وهتتجوز شوقية بنت اختى

البت بطة دى بنت حلال و.......

حنكش :: بس بس بطة اية وفرخة اية[/size]
[size=20]وفيــ حد يكون اسمه شوقيه والدلع بطه
وحد جاب سيرة شوقية

الام :: نعم نعم ومالها بطة ان شاء الله
اوعى ياواد تكون حاطط عينك على واحدة من بتوع اليومين دول

حنكش::متخافيش دى محترمة جدا واهلها ناس طيبين

الام :: ودى تبقى مين المزغودة وعرفتها ازاى

حنكشــ :: اسمها لواحظ وزميلة ليا فى المنتدى

الام :: فين

وانت اية اللى وداك الحتت دى

اتاريك بتتأخر برة كل يوم

حنكشــ :: اتأخر اية المنتدى دة على النت

الام :: نت
هى دى البت اللى بتيجى تاخد الفلوس منك كل شهر ياموكوس ولما أسئلك تقولى فلوس النت

اتاريك عمال تحول منى فلوس أول بأول[/size]
[size=20]
حنكش:: يا حاجة افهمينى المنتدى دة مكان على النت بنتجمع فية وبنتكلم مع بعض كلنا
وبنكتب مواضيع كتير انتى مش بتشوفينى بقعد بالساعات على الكمبيوتر

الام :: واية يابنى اللى دخل الكمبيوتر فى الموضوع دلوقت

حنكش:: يا لهوس وبعدين بقى

منا بكون قاعد الوقت دة كلة فى المنتدى معاها

الام :: معاها ودى فين ابوها اللى سايبها تخرج وتقعد معاك الوقت دة كلة

حنكش:: انا بكون هنا فى بيتنا وهى فى بيتها وبنتكلم على النت

الام :: وانت شايفها كويسة البت دى

حنكش:: بقولك محترمة جدا و بتحبنى جدا

دى بتشارك فى كل مواضيعى اللى بكتبها

وكاتبة بحبك فى التوقيع بتاعها
وبطلعني من لعبة السجن اكتر من 5 مرات

الام :: سجن يالاهوي

وانت اية اللى كان دخلك السجن يا واد

ومخبى علينا وكمان 5 مرات

اكيد اتخانقت فى الشارع بسبب الست هانم

حنكش:: دى لعبة والله على المنتدى وكل مرة كانت بتيجى وتخرجنى

الام :: بتخرجك من السجن

هى محامية ومالها بطة بنت خالتك ماهى معاها دبلون تجارة قد الدنيا

وست بيت شاطرة ومش بتاعة اقسام ولا سجن

حنكش:: يادى النيلة انا مش هعرف افهمك حاجة خالص

الام :: ان شالله عنك مافهمتنى ياموكوس

انا فاهمة كل حاجة

يلا ياد هاتلى قناة الحكايات علشان اشوف المسلسل

ولما يبقى يجى ابوك يبقى يتصرف معاك [ندعوك للتسجيل في المنتدى أو التعريف بنفسك لمعاينة هذه الصورة] [/size]

[ندعوك للتسجيل في المنتدى أو التعريف بنفسك لمعاينة هذه الصورة]
[/size]